اهلا وسهلا بكم بعالم حواء وصفتنا لليوم هي المفتول الفلسطيني اكلة كتير لزيزة وتستحق التجربة ومناسبة كتير لفصل الشتاء خلينا نبدأ بمقادير وصفة المفتول الفلسطيني

طريقة عمل مفتول جاهز

بنحتاج ل 

• كيلو من المفتول الناشف ومتوفر في المولات والسوبرماركت

• كيلو ونصف بصل حجم متوسط او صغير

• دجاجة كيلو ونصف او كيلو صدر دجاج منزوع العظم

• 2كاسة حمص حب منقوع قبل بيوم

• 6قرون فلفل أخضر حار

• 2ملعقة جرادة ناشفة

• 2 ملعقة كركم

• 2ملعقة ملح

• ملعقة 🥄 كبيرة فلفل اسود

• ملعقة كبيرة بهار طبخ

طريقة تحضير المفتول الفلسطيني:

•  المرحلة الاولى عمل العروسة بالبداية بناخد 4بصلات مع الفلفل الحار وبنفرمهم ناعم جدا بالمحضرة ونضيف عليهم جرادة ناشفة

• المرحلة الثانية هي تسقاية المفتول بماء ساخن وغير مغلي كما هو بالفيديو

• وبنحضر مصفاية او مفتولية وبنضع تحتها طنجرة فيها ماء لغاية نصفها وندهن المصفاية بزيت ذرة ونضع المفتول فيها.. ونعمل حفرة ونضع فيها البصل والفلفل الحار الناعم (العروسة)

• ونضعها على النار لمدة نصف ساعة.

• المرحلة الثالتة هي عمل اليخنة.. نغسل الدجاج ونضعه على النار ثم نضيف اليه بصلة مفرومة ناعم وعليها رشه فلفل اسود وبهار

• بعد الغليان نتركه لمدة نصف ساعة ثم نضع في طنجرة ثانية زيت ذرة ونضع فيها البصل و نقلب ثم الحمص المنقوع.. وبالنهاية الدجاج المسلوق والمرقة ونضيف الكركم والبخار والفلفل الاسود

• ونتركهم لمدة نصف ساعة ونضع بعدها حبتين بندورة مقطعة وبعد 10دقائق يكون اليخنة جاهز..

• خلال مرحلة عمل اليخنة وعندما يستوي المفتول لمدة نصف ساعة ننزله في وعاء ونضيف اليه 2ملعقة سمنة كبيرة ورشة ملح ونقلب جيدا

• وهيك بيكون المفتول جاهز ويقدم وصحتين وهنا.. اي سؤال ازا حابين ممكن تحطوه بالتعليقات وما تنسوا الاشتراك بالقناة ♥️

طريقة عمل مفتول جاهز